|
مشاركة: محكمة الشهيد أبو العاص
شكرا زملاء البورد الرسام وعروس الرمال وبتفق معاكم في انو العنف الطلابي مابشبهنا كسودانيين ومفروض حياتنا السياسية في الجامعات تكون بتشبه أخلاقنا السمحة كسودانيين ومفروض أركان النقاش والصراعات تكون فكرية وتبعد من المهاترات السخيفة... ومفروض انو السلطة تتوقف عن دعم قطاع الطلاب التابعين ليها بالسيخ والملتوفات... لكن المفروض حاجة والواقع حاجة تانية فمعارضة النظام الفاشي ده في الجامعات بقت رافعة شعار ان قلتها مت وان لم تقلها مت فقلها ومت...فنحن مابقينا محتاجين لي نظام يحاسبنا بل محتاجين لنظام يحاسب النظام القاعد ده...
اقتباس:
|
أمل مناقشة الدوافع الحقيقة ومن هم الذين يقومون بتحريض الطلاب علي هذه الأفعال والمحاكمتين المشار إليهما تخصان الجبهة الإسلامية والشيوعين وهل الموضوع ثارات
|
لالا يا الرسام الموضوع ما تارات ولا حاجة ولا الحزب الشيوعي لا الجبهة الديمقراطية ليها علاقة بقتل المعز ولاالحزب الشيوعي في يوم اغتال أحد كوادر الجبهة الاسلامية في الجامعات والجبهة الديمقراطية ما رافعة شعار العنف لكن انت أرجع لحوادث الاغتيالات في الجامعات وشوف الطرف الثابت فيها منو وهي كتيرة (محمد عبد السلام /التاية/سوميت/ الامين شمس الدين ) وغيرم كتير
وبالمناسبة الليلة المحكمة رفضت الاستئناف وأجلت الى اجل غير مسمى
| التوقيع |
|
الحمد لله الذي جعل لون دمي أحمر وقلبي يميل الى اليسار ولماذا لا أكون يساريا و أهل اليمين يأكلون الشكولاته |
|