|
يا يمه وين .... ومني الجميل ( قصيدة )
يا يمه وين زمني الجميل
وكتين تهلي .... كما القمر
وتشيلي من دربي الظلام
وكل ......... ويلات الدهر
وتشيلي .. من قلبي الأسى
وكل دمعات ......... القهر
وتخلي .......... أيامي هنا
فيها القليب .. يوم ماانفطر
فيها الفؤاد .. يوم ما انكسر
فيها الليالي ........ بلا كدر
وفيها الزمان زاهي ونضر
ما كان في يوم.. خوان أشر
يا يمه وين .... زمن السمر
وكتبن تقولي .... كلام درر
وترشي نفحات.. من حنين
تنداح على ....... كل البشر
ويبقى الزمان . ممتد حنان
من هسي .. لي آخر العمر
يا امي ..... ياامي الحبيبة
ياامي ليه ..... غاب القمر
يا امي وين ... راح القمر
خلانا عايشين . في ظلام
خلانا عايشين .... في كدر
وبقت حياتنا .. بدون حياة
مليانه .. بالأسى والضجر
يا يمه بعدك ..... كم تعبت
يا يمه أضناني....... السهر
والحزن .... في جواي حفر
وبقت ...... بوادينا النضيرة
عطشانه .... ما جاها المطر
وعشنا الضياع عشنا الأسى
والقلب يا يمه ........ انفطر
وتاني وين .. بعدك ضرى
وظل ظليل ..... من الكدر
وتاني وين ... بعدك زمان
يطيب جناه ..... حلو الثمر
وتاني كيف... بعدك أعيش
مكسور جناح مكسور ضهر
وتاني كيف ... تحلو الحياة
والدنيا بعدك .... ما ابتسر
وتاني وين ... ألقى الحنان
الزيو معدوم .... في البشر
يا يمه ليه ..... غاتب القمر
يا يمه وين ..... راح القمر
بعدك خلاص قلمي انكسر
بعدك ........ شموس الدنيا
غابت ........... في الضهر
وبعدك خلاص الليل حضر
والموج هدر
شال الفرح
شال السرور
جاب لينا ..... أحزان العمر
يا يمه بعدك ...... كم تعبت
والحزن .... في جواي حفر
وكل ........ أحزان السنين
في قليبي ناحت .. في ضجر
وبقيت وحيد
في الدنيا زي ... واوا ضكر
يا يمه آه ........ من الضجر
يا يمه آه .......... من الكدر
الحزن ...... في جواي حفر
الحزن ...... في جواي حفر
يا يمه ....... يا امي الحبيبة
بالله ليه .......... غاب القمر
بالله وين ......... راح القمر
وتاني كيف .... تحلو الحياة
ياأغلى من ........ كل البشر
والدنيا ..... خاصمت الفرح
عزفت ........ مواويل القهر
والدنيا صبحت .. ليل سواد
ممهورة بي ... شجن العمر
يا يمه .. يا أمي .... الحبيبة
ترتاحي ..... في جوه القبر
ومـن هناك .. تمشي الجنان
ليكي الرحيم رحمن ... غـفر
ليكي الرحيم ... رحمن غـفر
ليكي الرحيم ... رحمن غـفر
|