|
مشاركة: يابنات رايكم شنو فى الشباب ( البسف الصعوط ) ..؟؟!!
اقتباس:
|
المشاركة الأصلية كتبت بواسطة طائر النورس
1/ رأيك شنو فى الشاب البسف الصعوط ؟!
2/ هل ترتبطى بشخص بسف صعوط ؟!
3/ طيب لو كان داسى منك الحتة دة واتفاجئتى بعد الخطوبة او بعد الزواج انه بسف تعملى شنو ؟!
ودمتم احبتى
|
اولا البرق صعبتها عديل والله وقلتا لي عندكم امثال كمان لا تمام 
تانيا طائر النورس ايها الرائع لك احترامي وسلامي
وانت تبدع وتنثر العطر في المنتدي بمواضيعك
ويكفيني فخرا انك من اسباب اشتراكي في المنتدي
بعد قرأتي لاحد مواضيعك.
اما عن هذه الآفـه (التمباك) فااعتبر نفسي من مكافحات هذة العادة السيئة والغير حضارية البته
يعني بالعربي حقنا اي واحد بسف بعرفوا لازم اقول ليه خلي السف واعدد ليه مضار التمباك
والطامة الكبري انو بكون عارف المضار اكتر مني وبكابر برضوا .
والمشكلة عندنا هنا في الشرق النسوان برضوا بسفوا عادي كيسي وكيسك (اتخيلوا حالتي )
واسواء شي الواحد يتف السفه في اقرب حته وما هموا .
1/ رأيك شنو فى الشاب البسف الصعوط ؟!
طبعن مجرد انو بسف دا ما كفايه اني اكون راي وانا بعرف شباب بسف من انجح
وافضل الشباب
2/ هل ترتبطى بشخص بسف صعوط ؟!
ممكن بس حيخلي السف اكيد لاني ح اكرهوا 
3/ طيب لو كان داسى منك الحتة دة واتفاجئتى بعد الخطوبة او بعد الزواج انه بسف تعملى شنو ؟!
بزعل اكيد لانو ما كان صريح ,لكن زي ما قلتا قبيل حيخليه 
تخريمة
لحدي اسي اتنين خلوا السف علي يدي التالت في الطريق
**البرق**
ما تديني فيك فرصــه وتبقي الرابع
| التوقيع |
zizi  |
|