في قصائد الشاعر محمد بادي الكثير من تصوير الزمن الجميل
كلما ذكرتها حننت إليه ..
منها .....
ذات في يوم
والغيمة تهتف مطراً نقع
فوق نوار الطلح الفقع
ريحة البرم ان جاتك
عطراً فايت خمر الفوق اردافها مجدع
شفنا الوادي يقشقش في دمعات الليل
والتعل الشايل بدا يتفقع
تلب حامد فوق مخلوفة ابزور واتربع
وطلق الرسن اب زمة
وسوى خبيباً بدع ..

،
،
وفي أخرى ..
سواقيه تسوق تلوت الليل
ونخلو متنى شايل العجوة والقنديل
عيوشو مصوبرات كيمان
وعيش الريف ولد تيمان
وخاتي البودة والعسيل
دا شيتاً كم دقون شافنه
بالشفقة وحرص عبدنو
والعقال لعابن يسيل
إلا سعيد
سعيد الطلق الزايلة
وخطب بي مالو داراً خالدة
كان عزام وباعو طويل

،،
،،

ويقول في أخرى ..
حصل حارست دغشاً بدري
فوق حجرة مخانق النيل
وفي سنةً تساب
والشرقي حزم القيف وطفح الكيل
موجو يشابي يتناقز
محزم بالزبد تيبان وشال من سيل
يجيك بي سدرو متزاحم ومترقل
صفوف وصفوف يحاكي الخيل
وتكسح مركب النواتة
عايمة على قرون الموج
جانحها كسير
رواسيها يملا أصابعو في المقداف
يقوم لا فوق ويجي من تاني فوق الدير
وشيخ الدفة رافع ايديه
ينده جملة الصلاح وأهل الخير

تحياتنا للزمن الجميل يا عروس الرمال .. ويبدو أن العجايز في البلد دي قلال .. ناوليني سبحتي وعصاتي النلحق الجماعة ديل برة ...