هههههههههههههههههههههه

باد الله يجازي عقلك وأفكارك الرهيبة دي ..
أنا شايف إن الموضوع مثل ما قالت بنت الشاطي بجيب ليك الهوا البارد والساخن
وبعدين يفتح لينا حملات مضادة يمكن تكمل علينا وعليهم قدر الحاجات الحايمة فوقنا دي
وبعدين دي إنتقائية ودعوة للأرستقراطية الجمالية وبتخلق طبقات مجتمعية مقسمة من حيث الشكل واللبس
ولو قلت أسه موجودة فدا يبقى (تأصيل) ليها ..
وأنا من هنا بدعو إلى تهدئة الخواطر بين أصحاب الجمال الطبيعي وأصحاب الشنا المرة
وأيضاً إلى تقريب الشقة بين التيارات المتناحرة جمالياً ..
وبعدين الجمال دا زاتو لو ما الشنا المرة دي بيعرفوه كيف ؟؟

أحكي ليك قصة وللمستعمين بمناسبة المظاهرة الجميلة دي ..
عندنا واحدة مرة كبيرة لكن بتحب الجمال في البنيات حب ما طبيعي .. جات زيارة لجماعة من الجيران وجلست طقت الحنك ونظرت في الساعة (؟؟؟) وتوكأت للنهوض .. هييي ماشة وين أقيفي عليك الله تشربي معانا الجبنة .. الجبنة ؟؟ والبسويها منو ؟ بتسويها لينا (الثمار) دي يلا الثمار والثمار كانت في المطبخ أصلاً لم تر النور .. وأعادت حبوبتنا الحبيبة جلستها .. بعد أن أعجبها الإسم ومنت نفسها بالنظر إلى وجه سوبر ستار من الفضائيات اللبنانية ..أعادت النظر إلى الساعة .. في الإنتظار .. غابت الثمار طويلاً .. وظهرت بصينية الجبنة والفناجين مكبوبات .. ومدت لي الجدة بت حمرة الفنجان .. ولكن ؟؟ قبل أن تلتقط الفنجان نظرت إلى أعلى في الوجه وجه المضيفة ..
فتفاجأت ولم تخفي أثار التدهشة في وجهها ..
وفاجأت المضيفة بسؤال .. إنت الثمار ؟؟؟
قالت .. آيييييي ..
قالت .. بري الجبنة ما بدورها ..
وطقت عصايتها على الواطة وكشتت مارقة ..
بسس ..