منتديات عشاق السودان - عرض مشاركة واحدة

صدفة البحر · 21-02-2008, 12:59

اقتباس:

المشاركة الأصلية كتبت بواسطة الأسد

إلا أن استوقفني موضوع كنت أنت الكاتبه وصراحة لم يلفت نظري عنوانه كما جرى مع أخي الفنان بل كاتبه ..
ا..

مرحبتين الأســد أهااااااااااا شوف جنس الكلام ده
والله انت (بمناسبة الموضوع ده) بتزكرنى بالزمن الجميل .. طبعا هو ما زال جميلا .. لكنه كان بطعم مختلف
اتمنى ان تعودوا نعود كلنا كما كنا يوماً بهذه المنتديات

اقتباس:

المشاركة الأصلية كتبت بواسطة الأسد

وبالجد الما عندو زي (عم حنفي ) يعمل ليه واحد .. الناس ديل بنستفيد منهم قدر الدرسونا ليه بمراحل تعليمنا إذ ما بقى أكتر ولا أبالغ بقولي فهم خبرة عقود من الزمن (الجميل والشين) لذلك هم من يستطيعون التمييز والمقارنات ومعرفة الصالح من البطال ..
أ..

دى حقيقة والله ومن هم بمثابة عم حنفى يزكرونا دوما باننا تحت عناية خاصة و لا خوف علينا
هم يساعدون على معرفة وإدراك ما حولنا
وما نجهله
وإحيانا كثيره يلهمونا بما يجب أن نفعله

عن نفسى إن إصابنى اى نوع من أعراض (عدم الإتقان) فى العمل
أذكر بسرعة كيف ان عم حنفى نجح وتفوق وووو وتجدنى فقت سريعا وعدت لإجتهادى

اقتباس:

المشاركة الأصلية كتبت بواسطة الأسد

أصلو طبعك يا زمن
لا انت راضي تغيروا
لا نحن راضين بالمحن
أعجبتني كثيراً مقولته هذه .. أرجو أن تجعلي له بوستاً هنا تنشري به كل ما يقوم بذكره (عمنا حنفي) وغيره ان وجد ..
وأبقي ما تقصري في ..

والعجب لو سمعتوا وهو بلقيها .. حلاوة إلقاء وحركات يدين تترنم مع حركات الجسم
وإملامح وجه .. يا سلاااااااااااام تحلف تقوم انت فى منتدى أدبى
وبالمناسبة عمنا حنفى بألف شعر جميل جداً ..
ربناا يديه العافيه

بمناسبة البوست فعلا فكر فى ذلك
وسأحاول ان اجمع أكبر كمية ممكنه من ما يستفاد منه .. ووعد ساقوم بتنزيله لكم

اقتباس:

المشاركة الأصلية كتبت بواسطة الأسد

وأبقي ما تقصري في حاجات البيت .. مش وصيتك ..
وحقيقة لم أخذل بدخولي المنتدى وأخص موضوعك الذي سيجعلني أخرج منه منشرحاً ..
أدام الله عزك وقلمك وجعل كريم فخراً وسعداً لكم وذخراً لمن بعده .. اجعلوا منه عم حنفي لأجيال قادمات كان ينفع فيهم .. (لكن باقي ليك للزمن داك بيكون في شفع بيسمعوا كلام زول ولا فاضين ليه أصلاً) ..
وفقك الله وسدد خطاك ..

أها دخلت الحوش .. والله انشءالله ما بقصر ولكننا بشر (بس ادعى ربنا يصبر ابو كريم على أم كريم) ههى

نهايتو:
دى رساله لكل اب وأم ولكل مربى ..
أنتم الرعيه .. احسنو الرعاية .. واحفظو الوصيه
انتو البأيدكم تعملوا ذى عم حنفى واحد او ميـه

وكان حيين بنتلاقى..