اقتباس:
|
المشاركة الأصلية كتبت بواسطة صدفة البحر
أطلبوا العلم من المهد الى اللحد
اطلبوا تعنى الجميع الرجل والمرأة
فأعجب لمن يقول بان المرأة لو تعلمت لحدت المرحلة الفلانية كفاها وما بعرفوا من الكلام داك !!!
والزواج قسمة ونصيب وكذلك الطلاق
واعجب أكثر لمن يقول قرت قرت وبعدين بارت .. لو كان عرست كان احسن ليها !!!
والفى البر عوام
يعنى لما الواحد يقول الواحدة تتزوج وتقرا .. ويسبل فى عيوانتو والفكرة الوردية قدامو تكبر
يكون زول منظراتى سااااااااكت ..
لانو الزواج ما ساهل ولا مسؤولياته عينة
خصوصا مع الرجل السودانى والمجتمع السودانى القيودوا كتيرا
(اتحننى مالك قاعدة بيضا كدا .. مالك ما بتواصلى نسابتك والناس .. امش المناسبات .. عزى فلانة.. جلابيتى ما مكوية .. الغدا مالو مجفف كدا .. ولخ)
ده غير ظروف الولادة والتربية التى غالبا تتحملها الام فقط فى الزمن دة البقت الحبوبة فيه بتنسق التوب مع الشبشب والشنطة وبتبرمج مرقاتها وما فاضية للتربية (كفاية التعبت فيهم)
والاسر من واجبا التربية والصرف على بناتا للتعليم وغيره دون انتظار مقابل .. والاجر اعظم من اى مقابل .. لانو ده واجبا تجاها اولادها وبناتا
فأعجب اكثر لمن القى زول بقول (يتعبوا ويخسروا فى الفاضى) ..
اما عن هدف البت من التعليم والتعليم الجامعى بالذات .. فلا نستطيع ابدا ان نجزم بان البنات بتعلموا من دافع الغيرة او اى نوع من انواع الدوفع الغير مفيدة ..
لانو ده كلام ما صح كما توجد تلك الفتاة توجد ايضا المثابرة والتى تتعلم من اجل العلم ذات نفسه والارتقاء بعقلها وفكرها والخ
وكلتا الحالتين يمكن تطبيقها على الزكور ايضا
لذا وخلاصة القول .. الزمن اتغير .. والمفاهيم اتغيرت
والبنات وعن
وقدرن يحددن إحتياجاتهن بكل وضوح
وكل واحدة ليها حالة مختلفة وظرف مختلف وتقدر تعرف البصلحا وتختارو من الخيرات
يعنى البتقدر تقرا وتعرس وعارفة مقدراتها والزول الحتعرسو ده متفهم ومتفتح وحيساعدا مالو التعرس
والدايرة تصلح وضع اهلها ونقتنعة بانو العلم هو الطريق الافضل مالو التتعلم
وكلو ملحوق طالما هى كلها اقدار
المهم الراجل الكويس فى الزمن دا ما بتفوت .. والواحدة بالتأكيد لو لقت الراجل المقتدر والبساند ما حتتاخر من الموافقة وتكمل دراستها على مهلتا
لكن وبما انو الوضع مائل والرجال حالهم ما بعجب والظروف بجانب اخر تثقل الكهل
أكيد الشهادة سلاح .. والعمل سلاح أقوى
|
كلام واضح شديد اللهجة .......... نختلف او نتفق معه هذا لا يهم ......... المهم انه صادر من شخص يعرف ما يقول
لكم الشكر على المرور والمشاركة الفعالة