هههههه..اول حاااجة انا سعييييد جدا لانضمامي للكوكبة دي...
اول بوست لي هنا....اتمنى قلمي يضيف للمنتدى
نبدى
بطلتنا بت سودانية عادية...اسمها بتول.. تعالو معاي نشوووف بتوول دي يومها من الصباااح بيبقى عامل كيييف
الساعة 5 صباحاً المنبه بدق..بتول بتعيد الغفوة...بعد ما عادت الغفوة 6 مرات بتقووم...بسم الله الرحمن الرحييييم ما تخافو دي بتووول بس شعرها منفوووش زي الطاوووس عباد الشمس.حاجة مرعبة....
اصبحنا واصبح الملك لله الشال سفنجتي منوو؟؟
ياخي الواحد يربطا بجنزير كرهتونا البييييت...
بتوول ماشة تصحي سحر..سحر وصت بتوول من المسا تصحيها..
سحر ...سحر...سحر....سحر...قومي اصحي...سحر...قشر..قومي يقوم نصك...طبعا بائت محاولات بتول كلها بالفشل...
بس بتول دايما بتلقى الحل....بتول تمسك موبايل سحر....
هييييييييييييه سحر الحقي هيثم عامل 23 مكالمة لم يرد عليها و9 مسجات
زي المجند سحر تقووم من النوووم...وينو منوووو..هيثومي ضرب...
بعد داك بتبدى رحلة الذهاب للحمام..الواطة مضلمة..صوت النباااه بيصدح في الفضاااء
طبعا ناس بتوول ديل هاي تكنولوجي مفتاح النور بيفتح بالنفخ..كدا اوووووووووف..معجون ابو وردة دا معتقل في ابو غريييب كل يووم بيتعذب عشان يطلع معجووون..
بتووول دي بت نضيفة حماااااام بالليفة..الدش بيشتغل ومعاهو بيبدى حفل ساهر..في سينما البانيو..الدعوة مفتوحة لكل الصراصير..ممنوع اصطحاب النمل..والضببة في الدرجة الشعبية..
بعد ما انتهت من الحماااام.. واطربت الجماهير...
بيبدى البرنامج اليومي بتااع المكوة وييييييييين...
ام بتووول في المطبخ بتسوي شاااي..بتول ما لقت المكوة
بس دايما بتوول بتتصرف..ماما يا ماما...ام بتووول حالها زي اي حاااال مرة سودانية..بتهمل نفسها بعد الولادة وجسمها بيبقى زي برميل جاز..وعمو عينو بتزوغ برا..ما بلووم عمو..لو اهتميتي بنفسك شوية..راقبتي زيادة وزنك...
نرجع لشارعنا...يا ماما ما ما....تعالي اقعدي فوق البلووووزة دي...ولا خدمة مغسلة خمسة نجوووم..خمسة دقايق ماما قعدت البلوزة بقت ولا كواية مكوجي...
الميييييك آب....الميكسارا...الفيييير..الفوندامينتال كريم...حمرة خفيفة..بتاع الترحييييل جاااا تييييييت
تييييييييت..وبتول لسى ما سرحت الكشة القفة..
الفرشة ويييييين قشر..انا قلت لييييك ما تشيل مشطي دا الله الترحيل فااات..
واخيرا بتول جهزت...وطلعت من البيت..بسم الله ما شااااء الله البشووفك حسي ما يشوفك قبيييل صاحية من النوووم
بتووول ساكنة الثورة وبتفرا معانا ..يعني بتمشي لغاااية بري معرض...ييييييييه رحلة الشتااااااء والصييييف
كل شوية الحافلة بتجي مليانة....في بتاااع كوريلا ظريف كدا وقف..
لا لا بتوول بت مؤدبة ما بتركب مع زووول ما بتعرفوو....
في أب سفة جا فاضي...دزززززز..ابو السريع وصلنا العربي..حمدالله ع السلامة..تعلن الخطوط الارضية الهايسية عن وصول رحلتها رقم 714 والقادمة من مطار الشهدا الدولي تن تاااااان تووووون
المواقف ااتحولت..موقف بري كيلو1 ونص مشيا ع االاقدام...
بتوول ماشة..
والمعاكسات بدت...اوووووو
شنو يا قشطة..
الطبي داا
المعقم داا
عجبنا الاسم وغلبنا الاسم..
بتول ما صدقت تصل الحافلة..
وصلنا الجامعة...
اقيفي هنا ماشة ويييين..
شنو؟؟
دا ما اليوني فورم بتاع الجامعة..بس اليوني فورم استلمتو من سنة اولى حسي في تالتة
تجيبي واحد جديد..
من معمل الجامعة...اليونيفورم الجديد من معمل الجامعة بكلف 200 الف..يعني 200 جنيه عشان ناس الوحدة ما يزعلوو..علما انو بتول بتدفع في السنة 5000 دولار...نقول الدراسة في باكستان بتكلف كم؟؟مافي داعي
بعد اخد ورد بتووول خشت ...الساعة 8 الا عشرة الوقت الرسمي للمحاضرة.. 8
دا شنو الدكتور خشا من 8 الا ربع...
بتول في الباب..
الدكتوور..مافي حد يدخل بعدي؟؟؟؟؟!!!!!!!
بس يا دكتووور المحاضرة 8 مش 8 الاربع
بس ولا كلمة..
بتول تعمل شنو..قايمة من الفجر ورحلة من اخر الدنيا عشان تلحق المحاضرة....
ممكن تشتكي...؟؟!! للاسف الجامعات الخاصة تمنع اتحادات الطلاب..علما انو اصحاااب الجامعات الخاصة عندهم اتحااااد يحمي مصالحهم!!!!
طيب اقدم شكوى..ييييييه الجامعة كلها دكتاترة الوية...
سين سؤال...اكثر بلد في العلم يمنح رتبة لوااااء
ولا تفكر السوداااان..معقوولة ياخي..زي النمل...
بتول بتختار الطريق الساااهل..مروة بعد تتطلعي انتظريني اصوور منك واشرحي لي...مروة ما بتقصر..
انتهت المحاضرة....وجا وقت برنامج اسمو الفطوووووووور....
هنا في بلدنا دي وقت الفطووور دا وقت خاااص جدا وليهو طعم تاني..
طلعت شلة بتوووول...بتووول انتي الدكتووور دا مالو معااااك؟؟؟
والله ما عارفا..وين الصباااح..ما جيتي في الترحيييل..
نعرفكم على شلة بتول
مروة..مروة دي عبقرينو الشلة دفترها دايما كامل ودايما فاهمة المحاضرة...
رشا: رشا بت امبدة...اههههه الصفقة وييين..رشا د تفتيييحة ياخي..المستشارة الجكسية والواجهة الرمتالية للشلة
نعماااااات..نعماااات دي بتظهر وقت الفطووور...المسؤولة عن الجومة...وعن تنظيم العضة..
سالي ونسرين...ديل فيروساااات..مش من الشلة.هدفهم يخشو في اي شلة يبوظو بناتها..طبعا البنت بتسمع البنت اكتر بترتاااح ليها اكتر...
يا بنااااااات يا بناااااااات..والله والله اخطر حاجة ع البنت رفيقة السووووووء...
اول سبب لانحراف البنت رفيقة السوووووء..اخدو حذركم
نرجع لشارعنا...نعماااات جايبة معاها سنتدويشاات من البيت للشله كلها..راقية يا نعمااات لاكين..
الساعة 11 في لاب...
نسرين وسالي...يا جماعة في حفلة دي جي العصرية...تجو بعد الاب..
مممم..بتووول: اهههه في اولاد؟؟
نسرييين وساالي: لا لا ديل اولاد ناااس محترميييين..والله حتكووون حفلة حلوة لو ما جيتي نص عمرك ضاااع
بتووول..بت محافظة.وبتتذكر في كلااام امهااا..بتووول.لو ماشة اي حتة بعد الجامعة تكلميني..بتووول ما تمش حتة ما بتطمي ليها.خلي بالك من نفسك يا ضناااي
بس نسرين وسالي ديل بنات من الجامعة وصاحباتي؟؟!! بتوول حتوافق ..
(صاحب نسرين..) الووو..اهااا حتجوو الحفلة
نسرييين: ايوااا
(صاحب نسرين): حتجيبي معاك بناااات
نسريييين: اكييييييد افووو...
باااااي
باااااي
الاب انتهى..
صاحب نسريييين جا الجامعة بعربية...(قبيل بتول رفضت ركب مع بتاع الكوريلا) بس حسي مشت بدون تفكر
يلا يا بناااات..رشا الرمتالية اعتذرت عن حضور الحفلة
بتول معاها صاحباتا مطمنة..
الحفلة في فلة مستأجرة خلينا نقول في الرياض
بدت الحفلة...نسرين قبيل قالت شنو(اولاد ناس ومحترميييييييين؟؟؟؟!!!!!!
نسرين : يا بت شنو قاعدة كدا قومي ارقصي...
بتووول: لا لا بخجل
نسريييين يا بت مافي حاجة قومي..
بتول قامت وبدت ترقص..
(صاحب نسريييين) البت دي منوو؟؟
نسرييين:عجبتك؟؟
(صاحب نسرييين) مولعة...انا ح اطلع في العربية برااا خليها تجيني
نسرييين:تماااااام
نسرين: يا بتووووول انا تعبانة شوية في بندووول في العربة في شنطتي جيبيهوو
بتول
وبكل حسن نية) طيب
طلعت العربية وصاحبنا مشرك..
طبعا اتفاجأت شوية...نسيييت اقوليكم صاحب نسريييين بردا بيت بس
لاكين للاسف داخلو مش جمييييل زي خارجو..دايما بقوول الجمال جمال الرووح
بسلم على بتول بطريقة راقية جدا جدا
وبقنعها انو يتونسو مع بعض بطريقة راقية...
نسرين تتصل لقيتي الحبوووب انا مصدعة؟؟
نسرين عارفة مسبقاً مافي حبوووب..
(صاحب نسرين) نمشي نجيبا ليها من الصيدلية..
دزززززز صاحب نسريييين مشا؟؟ دي شنو الحتة المقطوعة دي؟؟
(بتووول) على نياتها..
فجأة بتشوف الود انقض عليها..بسرعة بديهة بترفس الباب وبتجري...
لحسن الحظ الزلط قرييييب...
ولحسن الحظ لقت عمك بتاع تكسي ود حلاااال..وعدتو انو بكرة يجي يشيل حق المشوااااار..
طول الطريق كانت بتبكي...بتبكي....
مسحت دموعها..خشت البيت..امها لاحظت في حاجة مش طبيعية
في شنو يا بت..
لا لا بس كاااان في امتحان اشتغلت كعب...امها ما صدقت..قلب الام بحس..
بتول ختت راسها في المخدة..وجات سحر..بتول بكرة الصباح صحيني...ظبطت المنبه..
واتعلمت درس في حياتها ما تنساهوو...دا كان يوم في حياة بت سودانية عادية يمكن البت عادية بس اكييييد كان يوووم فوق العادة
نقظة انتهى
...معلييييش يا جماعة طولت البوست شوية...طبعا عاوز رايكم..اليوم من بنات افكاري الي قعدت اشغالهم كتيييير قبل يبوحو لي بتفاصيل اليوم...
بتمنى ليكم يوم سعييييد