مابين الفول المدمس وامريكـــــــا
مابين الشكلاته المحشيه في مصانع جلاكسى والاسنكرس وبين الفول المدمس في طبق البرش عند الحاجات في شارع 15 العمارات فرق كبير في المعايير سوى كانت اقتصاديه أو اجتماعيه أو سلوكيه فلو لا وجود الحاجات علي رصيف شارع 15 لما كان هنالك مصانع شكلاته للاسنكرس وغيرها ولولا وجود المصانع لما كان هنالك قيمة للفول المدمس فى الاسواق العالميه فهذا المدمس سادتى غزا به السودان أمريكا وبريطانيا وغيرها من الدول العظمي ودول التحالف وحتي الكونغرس والبيت الابيض , اما علمتم أن الشكلاته المحشيه بالفول السوداني تعتبر من اساسيات الحلوى الموجوده في الثلاجات المخصصه للسيد كلنتون ومن ثم سيدة الشاشه العالميه رايس فهؤلأ هم الذين أعطو للفول السوداني هيبته لانهم يعرفون قيمته الحقيقيه في هذا الوجود فيا سادتي الكرام أوصيكم ونفسي أن تعتنوا وتمجدو امهاتنا ستات الفو ل المدمس وشقيقته الدكوه اي ( الزبده ) طبعاً الجماعه في السوق العالمي ضبحو ليها وغيرو لها اسمها وبقي عندها برطمانيه واستيكر وعلامات تجاريه وبعد شويه حا نسمع بيها خشت البورصه وكمان الجما عه ما قصرو بقو يعملوا ليها عيد ميلاد فى كل سنه والله حقيقه وأقولها بكل صراحه الجما عه يستاهلو لانهم فعلاً عرفوا قيمتها وانحنا غير نجي نفجغا في السلطه بتاعة الطماطم أو الاسود ( البازنجان ) ما بنعرف نعمل بيها جاجه تاني ولامن خلاص نزهج منها نقول بتعمل سرطان هو السرطان ده ما بيعرف ناس الشكلاته بس بيعرفنا انحنا . فيا أحبتى اعود وأوصيكم وصية أخ لاخواته بأن نهتم بهذا الشأن وأن نحاول بقدر الامكان أن نبتكر اشياء نحاول بها أن نضع هذا المدمس والدكوه في مقدمة الصادرات يعني ممكن نخُتُو بعد البترول والقطن .
وليكم سلام وللوطن ولى حاجات الفول المدمس سلاااااام كتيييييييييييييييييييييييييييييييير
موعدنا القادم مع السمسم و حلاوه سمسميه والفته بزيت السمسم
التعديل الأخير تم بواسطة : كركوج بتاريخ 18-03-2005 الساعة 22:06.
|