الحلقة الاولى

Bit alriad says:
Hiiiiiii
Bolbol says :
هاي الله و الرسول .. بت الرياض وينك مختفية ؟
Bit alriad says :
و الله كنتا مشغولة مع مامي
Bolbol says :
خير .. حجتك مالا نعل ما عندها عوجة؟
Bit alriad says :
هههه حجتك دي ما تقول لي قصدك بيها مامي
Bolbol says :
آآي يعني الوالدة
Bit alriad says :
لا مامي كويسة .. بس رحلنا فيلا جديدة و كنا مشغولين مع ناس الديكور و كدة
Bolbol says :
ووين شباب الحلة .. شغلت العتالة دي مفروض حقتهم
Bit alriad says :
حلة شنو يا بلبل ؟ أكيد انتا بتهظر .. بتهظر صاح ؟
Bolbol says :
ليه أهاظر معاك .. يعلم الله لمن ناس كتيرة جارتنا رحلو .. يومين نحنا باركين معاهم نعتل في العناقريب.. بس انتو شكلكم كدة ما بتجو لي الشباب في الاتو بتاعم
Bit alriad :
ما فهمتا عليك ( وش زول مستغرب )
Bolbol says :
بسم الله .. تيب أوقعا ليك بي براحة كدة .. يعني مثلا ناس كتيرة وكتين تجي وكت العضة بتكتر لينا الشطوط و بي المغرب بتزبط لينا شاي اللبن بي اللقيمات و كدة .. مجهبزانا يعني
Bit alriad says :
مع انو انا ما فهمتا ولا حرف بس لكن هنا الوضع مختلف .. يعني مافي اولاد الحي .. هنا بتمشي لي ناس متخصصين وهما بقومو بي كل الحاجات
Bolbol says :
نحن هنا برضو في ناس متخصصين بس غاليين .. يعني ود الشيخ البنقف البلاعات لو اديتيهو الف الفين كدة بيعمل ليك اي شي بس هو نقناق و شيال حال
Bit alriad says :
بلاعات شنو يا بلبل؟ اقول ليك ناس متخصصين .. شركات يعني .. انتا غايتو .. يللا خلينا من دة كلو انتا اخبارك شنو ؟
Bolbol says :
نحمد الله سيدنا .. نعمة كبيرة النفس الطالع و النازل دة .. انتي جديدك شنو يا ست البنات؟
Bit alriad says :
و الله زهجانة و قرفانة .. مافي جديد .. ياهو عدم الموضوع الكل يوم انا فيهو دة.. ممكن اسألك سؤال ؟
Bolbol says :
ممكن ..
Bit alriad says :
رايك شنو في الحب؟
Bolbol says :
ما كعب .. بس ما بعرف ليهو .. وللا حظي كعب ما بعرفو .. اي جكساية الم فيها .. كم يوم كدة و بعد داك تغني لي كن صديقي
Bit alriad says :
هههه بتديك شاكوش يعني ؟
Bolbol says :
ما شاكوش شاكوش عديل بس بتقول لي بعتبرك اخو و كدة