|
ابتسامــــــــــــــــــات و ضحكـــــــــــــــات
ايها العشاق انها مساحه للابتسامة والضحك عليكم الله كان ما ضحكتوا ولو ما عجبتكم النكات يلا
اكتبوا احلي منها
رباطابي مطول مرتو ولدت ليهو ولد يشبهو الخالق الناطق شاف الشافع قال لي مرتو إنت بطنك دي فيها رحم ولا مكنة تصوير ؟.
***** ***** *****
قالت الزوجه لأمها: يا أمى الرجل دا إتأخر شديد .. ياربى يكون عرس تانى ..؟ فأجابتها الأم : يا بتى قولى خير امكن تكون ضربتو عربيه.. !!
***** ******* *****
رباطابي في مستشفي ومعاهو جماعة عندهم واحد عجوز مكمل خلاااص عائش في الزمن بدل الضائع.... ممرضاهو بنته الصغيرة طبعا ما يأكل إلا بسكويت مبللة بالماء يعني البت تخلي البسكويت في الموية لتلين وتمدها لوالدها ويمتصاها طوالي مرة يسحبها كلها ومرة يحاول يرجعا ...
الرباطابي شاف الحكاية كويس .. قال للبت يا بت أبوك دا مالوا زي مسجل اللاندي كروزر؟؟؟؟؟
***** ***** ******
جعلي وشايقي ماشين في الشارع الجعلي شابك ليك الشايقي نحنا الجعلين اولاد المك نمر نحن الرجال ونحن ويغني ساكت الشايقي عاوز يرد عليه وملاوز منو قامو جو ماشين بي شارع المك نمر الجعلي عاوز يفتخر قال للشايقي هلا هلا ده شارع جدنا المك نمر الشايقي ممقوس منو قال ليه الجرابو......
**** ****** *****
كان في واحد جعلي ماشي في شارع ضيق جداً ( زقاق ) وفي أول الزقاق دا كان في واحد شايل عكاز كبير و ساكي ليه كلب ؛ لمان شاف الجعلي في نهاية الزقاق قال ليه حوش الكلب ، واخونا الجعلي حاول يحوش الكلب ، لكن الكلب كان خايف من العكاز و جاء قاصد ليك الجعلي عديل ، فما كان من الجعلي إلا ينط من أقرب حيطة خوفاً من الكلب ؛ بعدين الجعلي اتحرج شديد جداً و اتعقد من الموقف دا ؛ فقام طوالي ماشي ليك للزول الساكي الكلب وراح هارشو ليك : إنت حيوان دا زقاق يسكو فيهو كلب ؟؟؟؟
**** ***** ******
حلفاوى قالو ليهو بكره عيد الحب قال ليهم ده بصلوهو كم ركعه
***** ****** ******
حلفاوى قال لى صاحبو ماسمعت محمد صالح ماجاهو اللوترى صاحبو قال ليهو اوعه يكون عوقو
**** ***** ******
شـايـقى واقـــف في بص شـاف بنت قـاعـــدة قـام عاين ليها .
عــاينت ليه أبتـــسم ليها أبتســمت ليه غمـــز ليها . غمــزت ليه.
أشـــــر ليها علي المحطة نزلت . . . قعـد محلــــــــــــــها !!!
****** ***** *****
حفصه عروس قاعدة في الكوشه جنب عريسها
قالوا ليها قومي ارقصي ... فقالت : ابكر اليك الله اهجز لي الكرسي دا !!!
**** ****** ******
واحده دنقلاويه سالوها الدهشة معناها شنو ؟؟
قالت بسم الله دا ما ياهو ود الهمار ......
**** ******* ********
قالو واحد مغترب رسلوا ليهوا مرتو طرد فأستقبها فى المطار والجماعه اصحابو عملو ليهو حفله صغييرة كده فطبعا صاحبنا خجلان من العروس
وما قادر يفتح معاها موضوع فقام قاليها اهه انشالله التياب طلعت قدرك؟
**** ****** ******
قالوليك واحد عندو فهم في راسو انو اي زول عندو صلعه معناها عبقري الصلع دي مجنيناهو عديل كده
يوم لاقا ليه واحد ماشي عندو صلعه
الفضول كتلو قال ليه: الاخ الكريم شغال شنو؟
قال ليه: بروفسير في الجامعه قال ليه ما شاء الله
تاني يوم
لاقاهو واحد تاني عندو صلعه برضو سالو
الاخ الكريم شغال شنو ؟
قال ليه: دكتور قال ليه ما شاء الله.
تالت يوم لاقاهو واحد تالت برضو سالو ؟
قال ليه مهندس قال ليه:
ما شاء الله ومشي
يوم راكب في الحافله
القدامو عندو صلعه
الشمار كتلو لفتو قال ليه الاخ الكريم شغال شنو؟
قال ليه طلبه (بالضمه)
قال ليه: دي حسه دايره ليها صلعه...
*** ******* *********
رباطابي مشى زياره لبيت عزابه بالليل لقاهم كتار شديد راقدين في الحوش وشادين ناموسياتهم
جاء طالع لاقاهو واحد قاليهو ما لقيت زولك؟
الرباطابي قال ليه
بي وين لي موقف أمجاد ده ؟
*** ******* *******
واحد ألجن سأل مسيخ: المويه دي بتوديني ( توضيني)؟ رد المسيخ: بتوديك وتجيبك!!
**** ***** ********
جعلي رسل بته لي مسابقة من سيربح المليون عشان يعرف صديقا إسمو منو؟
****** ******* ********
قالو ليك في واحد عندو صلعه واصله لي نص ضهروا قدر ما سوا
ما لقى ليها حل بس يوم مشي لي فكي
قام اداهو دوا وقال ليهو لكن الدواء دا ما تشربوا الا بي بزه اطفال
الراجل يا مومن يا مصدق
استنا ناس البيت ناموا ومشي تحت الحيطه بيشرب في الدواء
في نفس اللحظه كان في حراميين منشنين علي البيت
بس الاول رسل التاني قال ليه نط الحيطه
كشف لينا
بس قام داير يتلب بالحيطه شاف الراجل بيشرب في البزه
اخوه قال ليه ياخ ما تتلب
قال ليه اتلب وين........
عاين ديل شافعهم قدر شنو.....؟؟
***** ***** ********
الجنجويد احتلو مبناء سوداتل فى دارفور .. اى زول بضرب بجيهو رساله تقول( الرخم الضربتيها مستهيل تلقيها)
**** ****** *****
| التوقيع |
zizi |
|