1- اسوء صفة فيك ونفسك تتخلص منها وبتظهر متين ؟
قوة الراس ... أو العناد ... بتظهر فينى أول ما زول يحاول يملى على حاجة!!
2- اهم صفة في المرأة من وجهت نظرك ؟
الجمال!!!
3- لو ما كنت سوداني الجنسية نفسك تكون من اي بلد ؟
أمريكى!!
4- عندما تغلق في وجهك ابواب الدنيا الي اي الاماكن تذهب لتنشد الراحة ؟
أقعد فى الكمبيوتر .. و أسمع مجموعة الأغانى الخاصة باللحظة أو الشعور الحاسى بيهو كان زهج ولا غيرو!!
5- تقدر تتخيل شخصية عضو في المنتدي من خلال مشاركاتة وردوده ؟
أصلا كل زول فى المنتدى ده أنا عندى تصور ليهو فى راسى لكن ما دايما بيطلع صح !!
6- موقفك شنو من الاعضاء البنزلوا مجموعة هائلة من المواضيع في يوم واحد
و ما بردوا علي اي زول ويجوا تاني يوم ينزلوا مواضيع وهكذا دواليك ؟
بيرفعو الضغط و الكثافة .. مع الإعتذار .. و بيخلونى اول ما اجى داخل القسم و ألقى الوضع زى ما بتقولى أطلع أشوف لى أى شغلانية تانية!!
7- عليك الله رايك بصراحة في شخصية بنت الشاطئ من خلال المشاركات والردود؟
مع إنك ختيتينى فى موقع صعب شديد و هو انى احكم عليكى ..!!
حقيقة أنا ما عارف عنك أى حاجة .. لكن عاجبنى فيكى .. بتتذوقى النكات و الفرفشة تمام .. بس فى حاجة انك ما حصل دخلتى فى نقاش او اظهرتى منك جانب واضح فى اى حتة قبل كده!!
يعنى اجوبة دبلوماسية فى شكل فرفشة..!!
لكن بصراحة شخصية من اللى بحب اتعرف عليكم اكتر و اكتر!!
عاجبانى منك صراحتك مرات كده!!