|
الاخ الحبي البلبل المعترب
والله موضوعك جميل كالعادة ... وانا قبل فترة فكرت فى الموضوع دة وكنت عايز اعرف كل واحد بحضر لموضوع العايز يكتبو بأى طريقة وفى اى زمان ومتى يتخير المكان المانسب للكتابة ... والموضوع اصلاً بكون معشعش ليه فى رأسه واللا بتأتيه الفكرة فجأة من خلال موقف او احداث ..!!
اما عن نفسى فأنا بتختلف مواضيعى وبيختلف الميعاد الزمانى والمكانى لها ففى مواضيع بتكون اصلاً هى فكرة فى رأسى او رأى شخصى او ايمانيات خاصة بى بطرحها عليكم وبستفيد جميعاً من المداخلات وابداء الاراء المختلفة فيه وبتكون الردود اثراء لعقلياتنا وازدياد لحصيلة معرفتنا فى الموضوع ...
اما الطريقة الثانية هى التقاط الظواهر السالبة التى تعم وتستشرى فى مجتمعنا وتنخر فى عقول شبابنا ومحاولة تسليط الضوء عليها حتى يلتفت الناس اليها وايجاد الحلول والمخارخ منها وحتى تكون مناقشتنا فيها بمثابة اول طرقة بفأس اقكارنا لاجتثاثها وبترها من جزورها ..
الطريقة الثالثة هى اذا وجدت موضوع او صورة او حديث او اى شئ يستحق النقل ورأيت انه يعم بالفائدة على الجميع من النت فأنقله واعكسه لكم ...
هذه الطرق التى اتقصى بها مواضيعى اما فى اى ساعة وفى اى زمان فأنا اولاً الفكرة بتكون موجودة فى رأسى وبمجرد ان تختمر وتصير مكتملة الصورة اجلس على المقعد واحضر اصابعى وابدأ ببسم الله الرحمن الرحيم وابدأ فى انزالها عبر هذه الاسطر الالكترونية ( ممكن يكون فى اى وقت ) لكن بشرط اكون بعيد عن اى ضوضاء ( يعنى فى هدوء تااااام ) حتى انتهى من كتابتها لكى تصل الى اعينكم الكريمة وهى منضبطة وموزونة وطرحها على قدر مستوى عقولكم وتفكيركم الراقى الواعى . مع انى بعض مرات اصاب بالزلل والخطأ كأى انسان ... وانشاء الله ربنا يقدرنى واكون عند حسن ظنكم وان اخطأت فعدلونى ..!!!
ولكم حبى
|