شنو يابلبل مالك شاني حمله علينا الرحمه حلوه
والله احنا لاكسلانين ولا حاجه
بس مشقولين شويه مافاضين زيكم ... (ماتفهموني غلط)
انا اقصد ان فينا المشغول بدراسته وعمله
وفينا المشغول ببيته واولاده

انتو يااولاد آدم وإنتو في دوامكم مكن تستغلو عدم وجود مديركم وتدخلو المنتدي
او بعد ماترجعو من شغلكم وترتاحو
وحتي اللي بدرس منكم واللي مفروض يهتم اكثر بدراسته تلاقيه بعد رجع من جاعته وارتاح شويه
مرق واتلم علي شلتو ومشو شافو لهم net shop اتلمو فيه

اما إحنا اللي بتدرس مننا بترجع من جامعتها تشوف امها عايزه شنو تساعدها
وبتريح شويها وتقوم تشوف قرايتها
واللي بتعمل مننا او اللي عندها بيت وعيال مسؤله منهم ... بتقضي وقتها في ناظفة بيتها وترتيبه
وراحه زوجها واولادها قبل راحت نفسها

بالمختصر المفيد كده
لو عندنا وقت ماحنلاقي حاجه نعملها فيه احسن من ما نطل عليكم ونستفيد من مواضيعكم ونشارك بارأنا

مين قال اننا مابنلتفت للمواضيع في المنتديات الاخري
بالعكس انا بفتكر ان مقصرين اكثر بمنتدي عالم حواء