الاهداف:-
مساعدات القطاعات المحتاجة وتشمل.

*اطفال المايقومه (الكساء).

*الاطفال الايتام كل منطقه لديها لجنه شعبيه تحتوى على مجموعه من الايتام والفقراء (اعالة طالب من كل اسرة فقيره او يتيم)

*النازحون فى المناطق النائيه (مثال امبده دار السلام ولاحياء المجاوره)يحتاجون الى الطعام والكساء مثال الى قطاعات من المجتمع.

كيف نبدا :-

طبعا التنظير ساهل بس البدايه صعبه شويه وممكن تكون كالاتى دا فى راى المتواضع.

1-حساب كمبيوتر مان القلته فاتح لينا ينزل رقموا فى المنتدا وبالتحديد فى ركن هيموا فيش بما انك صاحب الفكره.

2-مشروع جمع الملابس المستعمله دا حيكون كالاتى :اى زول جنبهم

جامع اكيد تتوزع مناشير فيهوا ويكون فى يوم فى الاسبوع واى

زول من المنتدا يشوف الجامع الجنبهم المنشور يكون مختوم بااسم

منظمه من المنظمات الانته قلته اتصلته بيها+جمعية كمبيوتر مان،

عشان الناس تثق وتجمع واى زول يشوف جيرانم بيتم اهلم ما بعدموا

من القديم .مثلا نقول وزعنا المنشور فى الجامع يوم الاحد نقول يوم الجمعه حنستلم الملابس .اوكى

(لى قدام هنا فى السعوديه والامارات فى اهل خير كتير ذى ماعرفين)

بعد ماالمشروع يكبر وينزل فى النت ونديهم البرهان بالصوره اكيد

حيدفعوا .
4-القروش المفروض انها حتجى فى الحساب +الجهات الحنحاول نتحصل

منها على الدعم (حنحاول نشوف شركات وكدا بعد مانظبط منشور من

رابطة كمبيوتر مان )نشترى شنط وكرسات للايتام القلنا حنشوفم من اللجان الشعبيه.


*نرجع تانى لى النازحين ناس امبده والاحياء المجاوره ديل حنديهم من

الملابس الجمعنها من الجوامع والجامعات (برضوا حنعمم المنشور دا

على روابط الجامعات ناس الاحفاد وكمبيوتر مان وناس البيان ديل على)

تتغسل وتتكوى وتتغلف فى اكياس ونوديها ليهم اكيد حيكون معاكم 2

عساكر يوم التوزيع وتمشوا هناك طبعا حتقول كيف حنعرف (فى اخت زول ممكن يساعدكم زى ماوريتك؟؟)

* ناس الاحفاد حلوه طبعا عندهم بازراتكميه ممكن نحجز لينا ركن فيها

يتباع فيهوا اى حاجه فكروا تكون شنو ونقول الدخل حقها بمشى

للمشروع الفلانى الفرتكانى (اللى هو حيكون اسم مشروعنا)ونعمل

منشورات نوزعا قبل البازار بى كم يوم وتكون الحاجه الحتتباع لذيذه وفى

نفس الوكت مربحه؟


الخطوه الاولى:-

اهم شى الشغل يكون منظم.

1-الخطاب يحمل اسم اى منظمه بالتعاون مع رابطة كمبيوتر

مان .لمشروع كدا كدا الخيرى تحت رعاية منتدى عشاق السودان لجمع

الملابس (لمساعدة المحتاجين ......) (وتحاول مع ناس كمبيوتر مان

يفضوا ليكم مخزن لو مافى طريق)نشوف نا حماده فور ايفر اكيد عندهم حل ؟؟.

*وحضر لى نسختى انا حااجى اشوف ناس البيان ديل حيلموا ليكم قدر شنو(هدوم) برضوا.

الخطوه الاولى عليكم ثبتوا الاقدام نحنا من برا مابنقصر


بتمنا انكم تناقشوا وتاخدوه بعين الاعتبار وبانتظاركم