الغاليه جدا" قلب حنون .....
مشكوره و الله علي الفكره الجميله دي ......
و مشكوره علي اختياري برضو لي الكتابه هنا
و علي الاطراء الجميل في اني انا goooooooooooooood boy
تسلمي يا قلب حنون ..... هووووووووووووووووووي انا نسيت اقول ليكم
رمضان كريم يا شباب و تصومو و تفطرو علي خير .... و ينعاد عليكم بلخير
يا رب ..... و بي مناسبه رمضان تهنئه خاصه لي احن قلب في المنتدي دا
قلب المنتدي قلب حنون .......
صراحه باد بوي في صغرو ما كان مشاكس .... و لا مشاغب
شويه كدا بس من دا ودا
....... و المواقف صراح كثيره و جميله جميعها
و انا يا اصدقائي عندي مشكله في حياتي اذا اصبحت مع ظروف العمل و
الحياة الصعبه هذه لا اتزكر اي شي من تفاصيل حياتي ......
و الله العظيم بلجد يعني الحاجه البعملا امبارح ما بتزكرا كويس ....
اذا رسلوني الدكان لي كم حاجه مثلا" خمسه حاجات ....
بجيب تلاته و انسي اتنين .... و كدا يعني .......
لكن و الحمد لله رب العالمين عندي مقدره اتزكر كل تفاصيل حياتي و انا
صغير ..... من زمن الروضه....
المهم المواقف كثيره و الله...... و لكن دا و احد لي انا عندما كنت في
المرحله الابتدائيه .....
كنت ادرس الابتدائي في احدي مدارس امدر مان العريقه جدا"
زمان الكلام دا ..... زمن الدراسه دراسه .... ( زمن امل و بدر )
كان في المدرسه عندنا اذاعه مدرسيه تقووم ببث البرنامج الصباحي
و برنامج اثناء الفسحه ( فسحة الفطور ) ....
الموقف د حصل في الفسحه ..... كان علي و علي ناس فصلي اننا
نقدم البرنامج اليوم داك ...... قمنا بالاعداد ......
و جهزنا ... انفسنا.......... و يلا بسم الله بدينا البث
انا كنت من المميزين في الاعداد للبرنامج الصباحي و كل انواع البرامج
الازاعيه ..... و كنت فقط اشارك في البرنامج بعد الاعدد بي اني اكتفي
بي اني قول حكمة الصباح ...... او قول حديث شريف و كدا يعني
المهم اليوم داك انا طلعت بره المله .... و كفرت عدييييييييييييييييل
و قال شنو عاوز اغني .....
و عامل ليك فيها الود خطير و فنان و لا عمر دياب زاتو .....
و عملت لي فرقه اليوم داك علشان اغنو معاي كمان ......
وديل كمان الله اطراهم بلخييييييييييييير ..... عاملين ليك فيها
و لا اسبايس بيبي ....... او فري يبيبي ......
في حاجه نسيت اقولا ليكم ..... معلومه كدا ودي عن احد ابطال القصه
دي ................
انا و الدتي الله اديها لي العافيه ..... و الصحه يا رب .... كانت تعمل في
مجال التعليم ..... و كانت استاذه في نفس المدرسه ال انا بدرس فيها
يلا البرنامج شغاااااااااااال في امانة الله ...... جا دور عمر دياب و الفرقه
بتاعتو فرييي بيبي .... انهم اقدمو اغنيتم .....
هي انا و الله لمن صدقت زاتو .... عمر شنو كمان ....؟؟؟...؟؟؟...
اقصد ..... جا دوري و الشباب المعاي اننا نقدم الغنيه بتاعتنا
المقدم بتاع البرناااااااااااامج ...
... اما الأن اغنيه مع الفنان الطالب
( ........ ) baaaaaaaaaaaaaaaaaaaad boooooooooooooooooy
و فرقته ..... يا زول الناس صفقت لينا و شي صفافير و جمهور الف الاف
و الله ولا جمهو حفلات ملودي او مزيكا زاتو ........
يا زول مشينا ليك لي المايك و عاوزين نبدا .........
البطله القبيل متزكرنها ....... ايوااااااااااااا و الدتي الاستاذه
سمعت ليك اما الأن دي بس.....
و باقي اسمي ساي ما كملتو ......
جات جاريه .... سجمي .....
قالت اسمي ( ....... ) bad boy .....
و لدي و لا واحد تاني .....
و لم تفرح او تسر لما و جدت لقتني انا زاتي الفنان ....
اتخيلتو المنظر معاي ..... اها و تاني عينك ما تشوف الا النور
طاااااااااااااااخ ادوني ليك كفتريه زي الكفتريه ( كف ) .....
رميت ليك المايك و نسيت ليك فرقتي ..... ولحدي هسي ما حاسبتهم
و ما اديتم قروش شغلهم معاي ..... المهم رجعت البيت برضو ظبطوني ليك بي .....
كم شي كدا ..... عاوز تبقي لي فنان ...
.. و تغني لي ...:
... و الله يا هو الفضل ....
علشان بكرا اقولو لي ولدك بقني و عاوز يبقي فنان .... طاخ
طراخ .... طراخراخراخ ...... الغنا دا يا شباب زي الشي الحرام عند اهلي
المهم انا من اليوم داك ..... الذي لازات اذكره .... يوم ما قتلو جواي
انسان ... انسان فنان ....
ذالك اليوم يوم الاعتداء علي شخصي الضعيف .... يوم قتل bad boy
من اليوم داك الي يومنا هذا .... لم و لن اغني ابدا" .... ابدا"
دي صوره لي ابطال القصه ......
ملحوظه ...... اعضاء الفرقه رفضو اتصورو معانا .... ههههههههههه
يلا يا شبااااااااااااااااااااااااب دا موقف لي و انا لمن كنت صغير
معليش لو اطلت عليكم ..... اتمني انو يكون عجبكم ......
بمشي و اجيكم تاني ....... لو قلتو لي تعال لانو بلجد المواقف كتيره و الله