معلومات العضو

عمران عامر عضو فضي

إحصائية الترشيح

عدد النقاط : 136

 

 

سلامات للجميع

الموضوع زي ما قال الأخوان مثير وخطير ولكن السبب شنو الخلى الحالة تصل لكده ؟ أنا بشوف السبب هو عزوف الشباب من الجنسين عن الزواج وكذلك الحكومة ليها دور كبير في كده أولا اباحية التعليم للجنسين يعني التعليم المختلط ولبعدنا من الله واحكامه تكون المذلة وفي الحديث الشريف في آخر الزمان يكثر عدد البنات وبالتالي تنتشر الفحشاء .

ما بقول البنات هن السبب لكن زي ما قال اخي المهاجر تأتيك الفتنه تمشي على استحياء فكيف لي من الصدود وقد خلقنا ضعاف للنفوس والشيطان جلب علينا خيله ورجله وشاركنا في كل شي وبالمناسبة الكسب المعيشــي ذات نفسه ليه كبير الأثر في تنشئة البيت وحديث الرسول الكريم (ص ) واضح " أعمل ما شئت كما تدين تدان " .

من أكبر أخطاء التعليم العالي تحديدا توزيع الناس على الجامعات مفروض يحصل العكس توزع الجامعات على الولايات وكل ولايات تكون مقفولة لناسها فقط يعني ما ممكن ولد أو بنت تكون من الغرب ويقروا في الشرق معادلة صعبة وكأن الحكومة تقول اسعوا في الأرض فسادا خاصة بالنسبة للبنت فهي تزين لاهلها سهولة العيش في الحتة التي تروح لها والأم تضغط على رب الدار بأنه بنت ناس فلان تعلمت ولازم بنتنا تتعلم وتحت ضغط وزارة الداخلية يخضع الاب لقرار التعليم وتكون الكارثة .

في عام 99 تحديدا كنت ماشي البيت راكب عربية الشغل وانا في طريق الجمهورية تحديدا بالقرب من وكالة الأنباء لقيت احد الاصحاب ونزلت وتوسنت معه وكان بالقرب منا بنتين واقفات صاحبي ده عنده امجاد تودعنا وركب ومضي وعندما ركبت وهممت بالتحرك اشارت الفتاتين لتركبان معي وقد كان ركبن معي وكن ماشات الداخلية بعد النفق ولما تحركت السيارة طلبت أحداهن مني مبلغ 1000 جنية تصور عشان شنو ؟ عشان تتغدي وقالت لي انا وزميلتي دي والله من الصباح على سندوتش وكان الوقت مغرب والله يشهد على ذلك وكنت قادما من المستشفى لزيارة مريض وانت عارف الحالة بالسودان المهم ما كان معي تركته لمن بالمستشفى وركبت المهم البنتين طلبوا الالف جنية واعتذرت بحجة عدم وجود المبلغ معي وقد كنت صادق في ذلك الأمر تصور واحدة فيهم قالت لي شنو ؟ قالت ما عندنا مانع تمشي معاك احدانا اقسم بالله هذا ما حصل وأصبت بقشعريرة في بدني وكرهت الحكومة بالرغم من أني اعمل فيها ولعنت التعليم والتعلم أوصلتهم لحد الجامعة وفي النفس شئ من حتى وفي الحلق غصة لهذه الحالة .

بالتالي ليه ما تتفشي الفاحشة وليه ما تكون اغلب الفتيات المتزوجات غير شريفات وغير عذراوات يعني في ظل وضع زي ده لازم تكون في فاتوره تدفع وللاسف الفاتوره اضحت الشرف عشان كده التربية الواقعية ليها كبير الأثر في الحياة . وأكبر المصائب الاختلاط انا معاك عدم الاختلاط ما بيمنع حدوث الغلط لكن بيقلل منه وأهلنا قالوا المال تلته ولا كتلته ، ذهبت مرة الى شرق السودان تحديدا كسلا وكان معي نخبة من الأخيار نحسبهم كذلك عند الله وكنا ساكنين في كسلا بالقرب من الجامعة وصندوق دعم الطلاب المهم في يوم كنا ذاهبين الحدود وجينا بالقرب من اتحاد الطلاب ولقيت في بصات معده للسفر فيما يطلق بلفظ الاسابيع الثقافية هذه وكان المساءلة خليط من الجنسين علقت قلت والله الناس ديل ما عاقلين كيف يختوا النار جنب البنزين وذهبنا ، ورجعنا بعد عدة شهور من العمليات لقينا الاتحاد مقفل سألت عن السبب قالوا طلعوا " المسمي بتاع الجامعة ده " ومعظم البنات رجعن يحملن في احشائهن اجنة تصور !!!!!!!!!!!!

بالتالي اذا اردنا العفاف لازم من الكي بالنار وأكرر الكي بالنار يعني نفرق بين الجنسين في كل شي حتى نقلل من أثر الكارثة ولا أقول نهايتها . وكذلك لابد من الزام الجميع بالزواج حتى نكبح جماح كارثة أظلت بنا وإنقاذ ما يمكن إنقاذه . وأكبر دليل على كلامي هذا ما ذكرته الأخت هنادي عن بنت الأحفاد يعني الحكومة عشان توظف او تعين احد لازم يكون متزوج أو متزوجة ويشهد عليه من لا يشك في كلامهم .