معلومات العضو

عمران عامر عضو فضي

إحصائية الترشيح

عدد النقاط : 136

 

 

سلامات يا نورس الخطير

انت الأفكار دي بتجيبها من وين تعرف نحن الأولاد كنا قايلين أننا تفتيحه الى ما قبل العام 2000 لكن بعد الغربة وقراية موضوعك ده وخاصة انه الواحد في نيته يدخل غمار المعركة وينتحر ليه بعرسه ، لكن بيني وبينك طارت بمجرد قراية موضوعك ده يعني بعدين الواحد الا يخلي العروس تحلف قسم أنها ما عملت حاجة ( والحلف يكون على المصحف) ما اعتقد أنه في زول عاقل تجيه الجرءة ويحلف كاذب ويضع ايده على المصحف الشريف ، ده حل .

عندنا دكتور بيطري من أهلنا قال الواحد لو لقى ليه بنت مستعمله خفيف يعرس طوالي حامد شاكر ( ومستعمله خفيف يعني يادوب على الوجه والصدر ) طبعا كلامه ده انا كنت شايفه كخيال أو سراب مش لاني ما بعرف حاجة بالعكس انا مقرم جدا لكن البعد بيخليك تكون داقس يعني زماااااااااااااان قبل الغربة سنة 2000 بنعرف انه صباع أمير هو الحل لكن الأن اصبح رتق للغشاء ذات نفسه يعني الله يكذب الشينة .

احد الأخوان في تعليقه قال هل ممكن أن تتوب بعد الزواج نقول نعم فالمرأة الزانية التي اصرت انها زنت وعندما أقام الرسول الكريم (ص ) الحد عليها وقف وقال أنها تابت توبة لو قسموها على أهل الارض جميعا لكفتهم والله أكبر . وسيدنا عمر لما جاء أحد الناس ليتزوج من ابنة رجل أخر وكانت زانية عندما أتي لسيدنا عمر وقال له أريد أن أخبر زوج ابنتي بالحقيقة قال له سيدنا عمر لو فعلت ذلك لقطعت رأسك وطبعا هنا يأتي أمر الستر .

أما قصة أنه البنت مغلوب على أمرها فده كلام في غير محله يعني مثلا البنت يمكن أن ترفض أن تعطي ما بين فخذيها مهما كان ولا يمكن للرجل أن يأخذهما لكن هي تنساق وراء اللذة القصوي والشبق وتريد أن تصل الى الغاية وطبعا بعدين بيجئ دور الداية وبعض الدكاتره والطامة الكبرى يجئ دور الشيخ الفلاتي تكتبك عنده والله تشوفها انها الشرف بعينها وانك الى الان لم تفض غشاء بكارتها وهنا المصيبة ، وصدقني بنت تبيع نفسها للدرجة دي هي تعرف تماما كيف تخدع الرجل وما عندنا حل الا نجرب قبل العمل كما حصلت لواحد زميلنا عندما حان موعد الزفاف بنت من الحله قالت ليه أنه زوجته دي كعبة وكان هو عاقد عليها وجاءنا مهموم وقلنا ليه يا اخي ما في كلام زي ده ولكنه اصر و تصور دخل أصبعه عشان يعرف اذا كان غشاء بكارتها موجود أم لا ولوثوقها في نفسها لم ترفض ذلك يعني نحن بعدين خايفين نحصل الدرجة دي وربنا يستر .

بعد عاوز أقول ليك حاجة ربنا ما يبعاقبنا بما نفعل وإنما يمد لينا في الرحمة لعل التوبة تحصل عشان كده أي بنت بتكون ما كويسة وتتزوج أنا بشوف أنه ربنا أداها فرصة الستر وما بنقول انه العريس دقسه ولينا في أنبياء الله عليهم السلام لوط ونوح أبلغ المثل وفي إمراة فرعون دي أمثال حية لا تخطئها العين .
والله المستعان