|
مشاركة: رد علي اهل العوض للكبار فقط
جميييييييييله جدا أخي وكثير منا لا يفهم أهل العوض " أهلنا وساس السودان"
ودي كمان أبيات ..
سمينا زي مادار تسِم
سمينا إحنا أهل عوض
نبزنا باللقب اللمط
سوانا مين أهل العوض ؟
مين في المخاض كان حاضره
واشتد طلقها وادِرا
مين النهاها محادِرا
مين الأمر معروفا عنو هو مادِرا
مين فيكو كان البادِرا
مين باذِرا ... الكان بادِرا
مين وازِرا
مين فاتا خلف بي قفاو قُطّاع طريقا تواتِرا
مين بيها كم لجناها ضابح وطافِرا
مين دافِنا ومين حافِرا
مين مذنِبا ومين كافِرا
مين مسلِما ومين كافِرا
مين دخّلُن في أضافِرا
مين غَزَّا فيها أحافِرا
مين التناها وضامِرا
مين السرق توبا البياض وحمّلنا نحنا أسافِرا
حافّانا موية النيل وضو وسلّط علينا حنافِرا
وسميت قصيدي أهل عوض
دوب ليهو لو ليو بالعوض
تِرياقي للداوا المرض
البِرسا في الحاره الرمض
وأهلي اللبقولولن عوض أهل السرور
أهل العفاريت البِتمرُق حيه من تحت الجحور
أهل الخلاوي القُضمه والدُقابه والتّفُل البخور
أهل البِخشو الخلوه
أهل الدوواوين المَفَتّحه تَتَّسِم للضيف بحور
أهل السميحات .. القميحات مامِتلهِن بنّوت
وكمان تقول أهل عوض
ديل أسسو السودان بلادِنا طوبه طوبه
وعاشو في العفه العِشيشه النِصها وباقي العِشه
روبه
يسلم دقين عثمان أمير قصد الفضيله حنت دروبه
ويسلم أبوي حاج الحلاوين ما مات أبوي أنا ود بلد حبوبه حوبه
وين كُتو إتو دحين وكت ناس الثقافه العِرفه ما شفتو البريده واكلتو روبه
وين كُتو ساكيكم كلب من جوه لوبه !!
ونحن برضو أهل عوض !؟ مابتَخَجلو
أي لي ولد نحن الصغير الفينا لوفيكوانفرد
صبح الزمان بخيركم احتفظ انفرد حتى الصغير بكبر قبل يومو وبزيدلكم العدد
وهي المدن شِن فيها غير الأنثى بارياهو الولد
ومين البِشيلِك يابلد
مين البِعِزِّك يابلد
مين البِقِيفلِك يابلد
أحدٌ أحد
عوضٌ عوض
وانا لسه ياني انا العوض
وانا لسه ياني أنا البلد
وانا لسه ياني أنا الولد
بدرٌ أنا ولدٌ بلد بدرٌ أمد
هتفت أمل : وين العوض ؟
ناداها من تحت الرمض
ناداها والحِس إنقرض
ناداها والبينُم قديم بي فُوقا تاج لابساو ومض
أنا ماني راجع يا أمل
أنا ماني عايد يا أمل
ضاعت سنيني غبى وهبل
وين إحترامِك يا أمل ؟
- موش الرئيس أهل العوض ؟
- صاح
- ونايب الرئيس أهل العوض ؟
- صاح
- والوالي برضو أهل عوض ؟
- صاح
- أنا ماشي فايت يا أمل
|