مشاركة: الحارس والضحية...بالصور
بصراحة الموضوع دا ألمنى شديد..... ما كنت متخيلة انو في ناس بالوحشية دي ،هسى الطفلة(ه) أكيد ماحتقدر تعيش حياتها زي بقية الناس وما حتنسي الموقف دا ولو بعد مية سنه ولو حاولت تنسي أكيد كلما تشوف طفلتها ( اللي حتكبر وتواصل العيش في المأساة اللي مرت بيها أمها ) حتتذكر وتتألم أكثر من أول، وبعد الحصل حتقدر ترتبط بواحد ممكن يحميها ويربي طفلتها ؟؟؟ انا شايفة انها ما حتقدر لأنها حتخاف لو عرف حكايتها حيتهمها ويحملها المسئولية كلها ، هسي أكيد هي فاقدة الثقة في أي واحد لأنها حتقول في نفسها الإنسان الواثقة فيو وخاتاو في مكانة أبوي وبناديو (ياعمي) عمل كده يا تري الأغراب حيعملوا شنو؟؟؟
والحارس دا لو كان مؤمن بجد أو بيخاف الله في أفعالو ما كان عمل كده .
بتمني من اي إنسان يخاف اله في جميع افعالو واقوالو ويخاف علي بنات الناس وسمعتم زي مابيخاف علي أخواتو ويتذكرهم عند أي كلمة واي فعل.
وشكرا علي الموضوع اللي بتمني انو اي قارئ ليهو يتمعن في أحداثو.
|