المشاركة الأصلية كتبت بواسطة >المشوكش<

السلام عليكم ورحمة الله وبركاته
سلااااااااااااااام حااار لكل عشاق السودان

يا اخوانا انتو طلاب الشهاده العربيه ديل لحدي متين حتشيلو منهم نسب وتضربوهم في الرسوووم

يا اخي اولاد الشهاده العربيه ديل سودانيين برضو زي اولاد السودان لزومو شنو الخصم الكتير دا في النسب
نحلي جامعات السودان دي ولا شنو نبغترب تاني زي ما ابانا اغتربو زمان ولا نخلي ليكم المجالات الطبيه والهندسيه ونفتش في الزراعه والاقتصاد عشان شهادتكم السودانيه دي

يااخوانا ارحمونا عليكم الله من الحكاية الطلعتو بيها علينا دي يااخي انتو قايلين اولاد الشهاده العربيه ديل ناس ما بيقروا ولا شنو وقايلين النسب البنجيبا دي نحنا زايدنها من عندنا ولا شنو يااخي امتحاناتنا ومناهجنا ما بتختلف عن مناهجكم والامتحانات ياها نفسها برضو امتحاناتنا صعبه وبعدين تجو بعد الخصم دا تشيلو مننا قرووش يااخي انتو قايلين الغربه دي سمحه ولا شنو
والله انا بدعي انو كلو سوداني شايف انو المغتربين ديل ناس مرطبين انو يغترب ويشوف مرارة الغربه الكعبه دي
يااخي ارحمو بني جلدتكم اليقو برا السودان اجانب وجواهو مغتربين نمشي وين

ومعليش على الاطاله ...............
وشكرا للمرور