ابو رامز الله يديك العافية.. لقيت لي زول "سقد" زيي لكن ما قلت لينا الامام طلع اتأخر ليه!!!
يكون ما حس بالزمن ..
هو الزمن دا بقى في زمن؟؟ مما الواطة تمغرب تتلفت يمين شمال تلقى الساعة 12 جات ..
تبقى في شاي المغرب يا تلحقه يا ما تلحقه ..
وكان عندك نشاطات ليلية زي مثلا برنامج مع (الفِرد) او لفة على الاهل..
في خلال ضحكتين تلاتة قطع شك بتجي راجع مع اذان الفجر...
الصيف دخل وسيّح معاه عقارب الساعات كلها...
هو لو في زول اصلا شغال بالوقت وقيمته..
كان ما حذروكم!!
يمكن السيف صدأ ... بقى لا بقطع ولا بكلكل حتى!!!
وطبعا النسيان اسهمه ارتفعت مع ارتفاع درجات الحرارة...
وارتفعت معاه (التنشنات)
بالله الناس الزمن دا بقت تتنرفز من طرف..
ياحليل زمن التفكير.. الواحد قبال ما يرد يخبز الكلام في رأسه خبيز...
هسا بقينا نفتش للمشاكل .. جوة الدرج
والراجل اللي يحاول يلاوز من شكله.. لأنها دي في حد ذاتها شكلة جاهزة...!!!!