:
سلامات .
كنا نتسامر ونناقش بعض المواضيع فى جلساتنا وكان اكثر الموضوع جدلا وطولا انو الرجل السودانى ( يوصف ببرود مشاعره وثقل دمه ) . كانت المناقشه شديده جدا البعض قالوا فعلا والبعض قالوا ليس كذلك , الكل ادلا بدلوه فى هذا الموضوع منهم من اصاب ومنهم من شطح فى التعبير عن رايه .
اما انا وبعض من زميلاتى كانت لنا وجهة نظر اخرى فقلنا : الرجل السودانى ( له احاسيس ومشاعر ) لكن بعبر عنها فى الوقت المناسب , وليس مندفع فى التعبير عن عواطفه ( متانى جدا) .
يعنى حتى لو الواحد منهم معجب ببنت وبحبها ما بقولا ليها بالسهوله ( والحياء من الايمان) .
ثانيا : الرجل السودانى جادى جدا وطباعه هاديه ودائما يكتفى بالصمت ودا ما معناه انو دمو تقيل .
الرجل السودانى هو الاكثر رقه فى المشاعر ويكفى الشعراء والفنانيين اللى شعرهم من اميز الشعر فى الوطن العربى ( يمتاز بوصف جمال المراة والغزل ... ألخ) .
الرجل السودانى مميز جدا فى رايى لان يوصف دائما بالجديه والموضوعيه ويقال انه غير مخادع .
انتو رايكم شنو ... يلا شدو حليكم ودافعوا عن الرجل السودانى .
