|
مشاركة: العــوانس أو البايرات (بايركس)..
الأعزاء السبقونا هنا ؛؛؛ سلام دي جاكم
أولا يا 3ashg hana و الله بتغاظ شديد لما يكون البوست مختصر كده لدرجة يفقد فيها صاحب البوست الفكرة الأساسية الهو كتب عشانها الموضوع... شوف هسع batuo سلت سكاكينها و نزلت فيك سلخ ملخ
كلامكم جميل ....
بس ما تقولوا الغلطان منو.... الغلط بيكون لما الواحدة عشان ترتاح من لقب بايرة انها ترتمي في أقرب راجل يطلبها للزواج و من غير توافق بيناتهم...
هنا المشكلة طلعت من العنوسة الى التعاسة الزوجية .. وقد تضحى طلاق و إهمال و ابشع من ذلك
الغلط ليس في العنوسة او الزواج ،،،، الولد أو البنت ... الموضوع قسمة و حبوباتنا ما كانوا بقرقروا و بتشمشروا لما قالوا الموضوع ده قسمة...
زي ما في ولد\بنت عرسهم سبعة ليالي... ف ناس بتعرس بس في الجامع...
الموضوع شائك جدا و ممكن يتلموا ناس العشاق ديل كلهم و أي واحد يقول راي شكل ... و من محور خاص بيهو!!!!!
و زي ما قال زميلكم زي ما في بت بايرة في ود باير برضو... هل هم مادايرين يعرسوا لا طبعا ... بس لم تتوفر الظروف المناسبة
في مجتمعنا البيشبع البت من ما توعى بأنها عالة على أهلها تقوم تشوف ليها ضكر يخارجنا منها
و تغذية عقول الكم الأكبر من البنات بأنه العرس العرس العرس ... لحدى ما تفقد الطعم الحقيقي للحياة ووجودها و تبقى في سباق مع الزمن أين العرس أين العرس .....
جاياكم تاني كان استفزتني مشاركة هنا
|