|
مشاركة: قول
قول لي غناك البحفظو
وديني فوق دار المطر
ولقط حروفك والفظو
اجدعني بينك وبين غناك
سويني لالوبة ذكر
اذكرني اذكر هواك
اطراني
اطراك وافتكر
انك حبيب مليون شهيد
وانك رفيق بليون جديد
شايفين نضارك في القمر
واقفين معاك
والخوف ورا
تاريني بهواك من زمان
وتاريني منك يا وطن
وتاريني عايش في المحن
شايلك علي كتف الفرغ
انسام
راسمك علي ضهر الكتابه نقوش
ومحتاجك اكون جواك
اكون بهواك
اكون انسانك الانسان
واحلق في سما السودان
كما العصفور
كما سفر النغم طمبور
علي عرق الهوى الوجدان
وغني غناك
ان اسعف غناك الناس
ورجعت معاك
رجعت وراك
تكلني مداك
رسيت جواك
وانا الممتد معاك معاي
محل ما شالك الاحساس
رقدْ فوق رايْ
| التوقيع |
|
وطني
هواي...
عليك شايل
حنين دنياي
زرعتك
في اراضي حماي |
|