|
مشاركة: هناي سيد الكفر
ياسيد الكفر انا جيتك جاري .... بشوق وحنين ودمعا جاري ...
او كما يقولون ناس قناة هارموني .. بشريطم عبد الواحد ... بالله حفظونا ليه عن ظهر قلب رجاله حسنه ..
وعد اللقاء والله كلامك حكم انا زمان كانت عندي نفس التجربه دي
كان ابوي مغترب وبالطبع نحن كنا معاه .. وتعال شوف اولاد حلتنا يقعدو ينتظرو اجازتنا ومتين ننزل الاجازه
عشان الكفر البجيبو معاي .... بالله ينتظرو الاجازه السنويه اكتر من ابوي
وتعال شوف بعداك الود الظريف الخطير لم ينزل الاجازه شايل معاه داك يالكفر ... وتعال شوف الكبكبه بتاعت بعض الجماعه الطيبين اصحابي المقربين ،، وتعال شوف لما راسي يكبر ... وتعال شوف لما واحد يعاكس رأيي انشاء الله لو الكلام في صالحي .. تلقاني طوالي قفلتها معاهم وشلت كفري ومشيت ... وتعال برضو شوف لو واحد فيهم شات الكفر شديد حتى لو الشوته جات قون .. تلقاني اجوط وفي الاخر اشيل الكفر وامشي .... وتعال شوف لما اقعد اختار في اعضاء فريقي والفريق التاني ... بالله حكمة الله التقول ربي ما اداني اي بصيره ... تلقاني اعزل في ناس ابجديات( الكوره )ما بعرفوها بس عشان( بطبلو) لي ... والناس (اللعابين ) اقول ليهم امشو بعيد ما تلعبو معانا ... وكنت اختار الحكام على مزاجي ... طبعا لازم الحكم يكون تابع لشورتي وتحت امرتي اقول قون هو ما عليه الا يصفر اقول ما قون هو يقول سمعا وطاعه
يا سلام يا وعد اللقاء كانت ايام
| التوقيع |
|
الولد الظريف الما بنقدر ،،،،،،،،،، سيل الوادي المنحدر
الولد الظريف جاكم حايم ،،،،،،،،، صاحي ما بتلقوه نايم
|
|