|
عتاب الاحبه
ورينى وحياة اللى كان * ليه ماب ترديها التحية
لو جرحتك فى مشاعرك قولى لى انا يا صبية
ياما شان خاطر عيونك * كنت بسرع ليكى جيه
لمة يوصلى نداك * ياخى نارك جوه حيه
للشمال فسراع بجيك * شايل القافيات هدية
كل ملكى الفى حياتى * انتى واقلام فى ايديه
ونبقى سارحين يا حليوة * مده حلمانين سويا
والساعة ديك حبوبة دوبه * راجعة بى غنم السعيه
وليك اهمس يله نطلع * يله نمشيها الثريا
وليك اهمس لو تقمص * شعرى جن روح عبقريه
كنت ابدع زى رفيقنا * المرة صور لى مريه
ولمه انوى السفره باكر * تنزل الدمعات وفيه
حبى ارجوك لا تسافر وشانى بس اصبر شوية
وليه ما تبكيهو خاطر بدرى ارجاها الضحية
ويلة نرويها المشاعر ونخلة الريد والبنيه
الواداع امنتك الله اوعى تنسيها الوصية
الرسائل ديمة منك والغرام تحكيهو ليه
يحملها الطير المهاجر فى الصباحات الندية
بلغى الشوق للقمارى الراجعة عشها مغربيه
شايله ارزاق العصارى * للجنيات الشقية
تحضن الجنيات تضارى * بى حنان اماً وفيه
وبلبل الريد المغرد * تحمى من غدر الحديه
برضك قسيتى مع الزمان الناسو ضيعت الهوية
تخيل وان ترجع لوطن القمارى وشمال الاحباب وكلك شجون للقاء الحبيبة وتقابلك وجها لوجه فى ثانى يوم حطت فيه قدماك ثرى البلده ، وكلك شجون وعنفوان تراها بين صويحباتها ويمتلكك الحذر من ان تسلم يدا بيد حتى لا يفتضح الامر وتكون هى فى ناصية العابرات وتلقى السلام ولا ترد ويتضح بعد ذلك ان فى الامر غدر وخيانة اثبتتها لك دون ان تشهدك ودون ان يبتل ريق طائر المنفى ودن ان تزفر القوافى ما شهقته من زيف المدائن ودخانها .
اقسم قبل وصولى المنزل اى فى مدة عشر دقائق كانت القوافى تداهمنى ومعها الحمى التى ربما جعلتنى اصطلى ولكن درعتنى بشئ من القوة مستقبلا .
لا ادرى لم قفزت الى خاطرى اليوم هذه القصيدة بعد ان زارتنى حبيبة الاولى امس ورايتها فى ابهى صورة تحادثنى كان لم يحدث فراق قبل ، رغم مرور اثنى عشرة سنة على ذلك الموقف وعلى الفراق .
التعديل الأخير تم بواسطة : البلبل المغترب بتاريخ 10-01-2005 الساعة 20:50.
|